Teks Syi’ir Tanpo Waton (Syiir Gus Dur)
Cari Doa

Advertisement

Teks Syi’ir Tanpo Waton (Syiir Gus Dur)

Tengtangdoa.com
Senin, 04 November 2019

teks syiir tanpa weton
Syiir tanpa weton - Gus Dur.

Tentangdoa.com – Berikut ini adalah teks lengkap syiir tanpa wathon yang disebut-sebut suara populernya adalah Gus Dur, meski bukan.

Astaghfirulloh Robbal Baroya  # Astaghfirulloh Minal Khotoya
Robbi Zidni ‘Ilman Nafi’a # Wa Wafiqni Amalan Sholikha

Yaa Rosulalloh Salamun’alaik # Yaa Rofi’ashani Wadaroji
‘Athfatayaji Rotal ‘Alamii # Yaa Uhailal Judiwal Karomi

Ngawiti Ingsun Nglaras Syi’iran # Kelawan Muji Maring Pengeran
Kang Paring Rohmat Lan Kenikmatan # Rino Wengine Tanpo Pitungan

Duh Bolo Konco Prio Wanito # Ojo Mung Ngaji Syare’at Bloko
Gur Pinter Dongeng Nulis Lan Moco # Tembe Mburine Bakal Sangsoro

Akeh Kang Apal Qur’an Haditse # Seneng Ngafirke Marang Liyane
Kafire Dewe Dak Digatekke # Yen Isih Kotor Ati Akale

Gampang Kabujuk Nafsu Angkoro # Ing Pepahese Gebyare Dunyo
Iri Lan Meri Sugihe Tonggo # Mulo Atine Peteng Lan Nisto

Ayo Sudulur Jo Nglalekake # Wajibe Ngaji Sak Pranatane
Nggo Ngandelake Iman Tauhide # Baguse Sangu Mulyo Matine

Kang Aran Sholeh Bagus Atine # Kerono Mapan Sari Ngilmune
Laku Thoriqot Lan Ma’rifate # Ugo Hakekot Manjing Rasane

Alqur’an Qodim Wahyu Minulyo # Tanpo Tinulis Iso Diwoco
Iku Wejangan Guru Waskito # Den Tancepake Ing Njero Dodo

Kumanthil Ati Lan Pikiran # Mrasuk Ing Badan Kabeh Jeroan
Mukjizat Rosul Dadi Pedoman # Minongko Dalan Manjinge Iman

Kelawan Alloh Kang Moho Suci # Kudu Rangkulan Rino Lan Wengi
Ditirakati Diriyadhohi # Dzikir Lan Suluk Jo Nganti Lali

Uripe Ayem Rumongso Aman # Dununge Roso Tondo Yen Iman
Sabar Narimo Najan Pas-Pasan # Kabeh Tinakdir Saking Pengeran

Kelawan Konco Dulur Lan Tonggo # Kang Podo Rukun Ojo Dak Sio
Iku Sunahe Rosul Kang Mulyo # Nabi Muhammad Panutan Kito

Ayo Nglakoni Sekabehane # Alloh Kang Bakal Ngangkat Drajate
Senajan Ashor Toto Dhohire # Ananging Mulyo Maqom Drajate

Lamun Paslastro Ing Pungkasane # Ora Kesasar Roh Lan Sukmane
Den Gadang Alloh Swargo Manggone # Utuh Mayyite Ugo Ulese

Semoga bermanfaat. (tentangdoa.com – ab)